ينصح الخبراء باعتماد نظام غذائي متنوع وملون لتتمتعي بفواائد صحية لا تعد ولا تحصى . فكلما كانت ألوان الخضار والفواكه متنوعة في طبقك ، كان ذلك أفضل لصحتك . لذا أضيفي ثلاثة أو أربعة ألوان مختلفة من الخضار والفواكه الى كل وجبة تتناولينها .
إقرأ المزيد... البوابة
المكتئب النعّاب
الصفحة 2 من 8
الحالة الثانية : حضرت إلى العيادة مع ابنتها الصغرى وقبل أن تجلس بدأت الشكوى ( وكأنها تعرفنى من قبل: " أرجوك يادكتور ساعدنى , مابانامش وماباكلش وماليش نفس من حاجه فى الدنيا , وبنتى دى مفروض كان فرحها من سنه أجلناه علشان تعبى وهى صعبانه علىّ بس هاعمل ايه ........... بقى لى 3 سنين تعبانه وزهقت لف على الدكاتره ماخليتش دكتور مارحتلوش وكله زى عدمه , والعلاج تعب معدتى ..... قالولى يمكن سحر ولا عين رحت للمشايخ وفكينا العمل وبرضه مفيش راحه ....... لامرتاحه فى أكل ولاشرب ولانوم .......وكل حته فى جسمى بتوجعنى وماخليتش دكاترة باطنه ودكاترة عظام وعملت عمليتين وبرضه مفيش راحه ...... الآخر قالولى ماعندكيش حاجه كل التحاليل والأشعات سليمه !!!!!! ....... أمال التعب دا كله إيه ...........!!!!! " . ثم أكملت ابنتها : " ماما يادكتور عايزانه حواليها على طول , وانت عارف كل حد مننا وراه مشاغله ..... حتى اتصلت بأخويا رجع من الخارج وساب شغله ومش عايزاه يسافر ... ودايما حزينه وتشتكى بكل حته فى جسمها , وكل مانعالج حاجه يطلع لنا حاجه تانيه مش عارفين نعمل معاها إيه ... وعلى فكره هى أخدت كل علاجات الإكتئاب وكانت تتحسن شويه ونحاول نبدأ نرجع لحياتنا الطبيعيه نلاقيها بتتصل بينا تانى تعالوا أنا تعبانه ..........!!!!!!!! " .
الحالة الثالثة : رجل أعمال فى أواخر الأربعينيات من عمره تخرج فى كلية الهندسة ولكنه فضل العمل التجارى فأنشأ مكتبا للتصدير والإستيراد وحقق بعض النجاحات ولكن حدثت له كثير من التعثرات والمشكلات فى السنوات الأخيرة وأصبح غير قادر على الوفاء بمستحقات البنوك وأصيب بنوبة اكتئاب منذ عام وسافر إلى أمريكا للعلاج فى أحد المصحات المعروفة ووصلوا معه لأعلى مستوى من جرعات مضادات الإكتئاب الحديثة والقديمة , ودخل فى برنامج للعلاج النفسى التدعيمى , وعالجوه بجلسات تنظيم ايقاع المخ بالكهرباء , وكان يتحسن قليلا ثم تعاوده الأعراض مرة أخرى بمجرد خروجه من المصحة , وهو يقضى الآن أغلب وقته فى بيته يئن ويتوجع طول الوقت ويريد زوجته بجواره ويبكى
( كالطفل ) إذا أصرت على الذهاب لعملها ..... وقد جاءت زوجته قبله وهى تتعجب كيف انقلب زوجها الطموح النشيط إلى هذه الحالة الضعيفة المستسلمة الشاكية ليل نهار بلا كلل أو ملل , وعندما قابلته كان صوته ضعيفا وصورته باهتة ويكرر باستمرار : " أنا تعبان ..... شوفوا لى حل ......مش قادر ..... نفسى أرجع زى زمان ......أنا علىّ التزامات كتيره عايز أخف علشان أوفى بيها ........أرجوكوا ساعدونى .......أنا تعبان ......تعبان .......تعبان " .
